[政府管治] 范太:誠信係港核心價值 出席人代選舉論壇 否認諷CY

【明報專訊】公共專業聯盟噚日舉辦人大代表選舉論壇,有別其他團體搞嘅簡介會,整個論壇都開放畀傳媒採訪,由於主辦團體係民主派,52個候選人中只有16人出席,佢哋當然要回應吓核心價值、劉曉波等敏感問題啦。全國人大常委范徐麗泰被問到香港核心價值包括乜嘢時,佢就話除咗法治、自由外,仲有「誠信」,在場嘅人都覺得佢係暗諷特首梁振英,但范太就強烈否認。

「內地乜都可以假 香港唔得」

范太話誠信好重要,無論喺專業定係商業範疇都好重視,內地乜嘢都可以假,但香港就唔得。特首梁振英連日來被公眾質疑講大話、無誠信,范太咁講,難免令人聯想佢意有所指。不過,范太會後同記者澄清,佢所指嘅誠信同梁振英嘅問題完全無關,又強調就算自己評論香港事務,都係以普通市民身分去講喎,即使當選亦無能力幫人(特區政府)護航,「如果你做得唔啱,無得話你係啱」。

其他大部分親建制候選人基本上都迴避敏感議題,好似教協嘅方景樂要求人代簽署要求釋放劉曉波嘅聯署,但建制派再三拒絕,「梁粉」區嘯翔表明「唔想答,唔可以表態」;被問到如果當選,會唔會向中央提出平反六四,另一梁粉胡曉明就答咗「可以提」三個字。

劉健儀田北辰夠勇

反而兩個競逐連任嘅就好勇猛,自由黨劉健儀話兩年前喺立法會已經呼籲中央以人道理由釋放劉曉波;新民黨田北辰就話過去5年為新聞自由發聲,對李旺陽冤案都先後寫咗3封信畀當局,表明如果當選,一定會繼續跟進。

Give me comment!

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s

%d 位部落客按了讚: